លោកមហាសេដ្ឋី Mark Cuban បានបង្ហាញនូវគន្លិះ ៥ យ៉ាងសម្រាប់អ្នកបើកមុខរបររកស៊ីថ្មីថ្មោង ~ Business Khmer Insider

លោក Mark Cuban គឺជាមហាសេដ្ឋី និង ជាវាគ្មិនដ៏ល្បីល្បាញមួយរូបរបស់សហរដ្ឋអាមេរិកដែលទទូលបានជោគជ័យយ៉ាងច្រើននៅក្នុងវិស័យជំនួញ ។ នៅថ្ងៃនេះ Business Khmer Insider សូមចែករំលែកនូវចំណេះដឹងដល់ប្រិយមិត្តអ្នកអាន ជាពិសេសដល់អ្នកដែលមានបំណងចង់បើកជំនូញរកស៊ីជាលើកដំបូងនូវច្បាប់ចំណួន ៥ របស់មហាសេដ្ឋីរូបនេះដូចខាងក្រោម៖

១). ធ្វើការស្រាវជ្រាវទីផ្សារជាមុន៖ លោកបានមានប្រសាសន៍ថា មុនចាប់ផ្ដើមធ្វើជំនួញអ្នកត្រូវដឹងថា មុខរបរដែលយើងចង់រកស៊ីនោះអាចមានឱកាស និង មានសក្ដានុពលទៅថ្ងៃមុនឬអត់ ? មានកត្តាប្រឈមឬអត់ ? មានគូប្រជែងច្រើនអត់ ? ហើយអ្នកមានបទពីសោធន៍ក្រាស់ក្រែលហើយឬនៅលើមុខរបរដែលអ្នកចង់បង្កើតនោះ ? បើអ្នកមិនទាន់អាចឆ្លើយសំនួរនេះបានទេ អ្នកត្រូវតែសិក្សាពីវាឲ្យបានច្បាស់លាស់ជាមុនសិន ។

២). ត្រូវបង្កើតគម្រោងអាជីវកម្មដែលមានភាពបទបែន៖ បើមានគម្រោងអាជីវកម្មហើយ ត្រូវសិក្សាមើលថា គម្រោងអាជីវកម្មរបស់អ្នកអាចកែសម្រួលបានដែរឬទេដើម្បីឲ្យស្របតាមស្ថានភាពជាក់ស្ដែង ? បើមើលទៅឃើញថាកែសម្រួលមិនកើត មិនអាចឆ្លើតតបទៅតាមស្ថានភាពជាក់ស្ដែងបានទេ មានន័យថាគម្រោងអ្នកនៅអន់មិនអាចយកជាការបាន ។ សម្រាប់លោក Mark Cuban គម្រោងអាជីវកម្មរកស៊ីដែលល្អ គឺគម្រោងដែលអាចផ្លាស់ប្ដូរបានគ្រប់កាលៈទេសៈឲ្យតែម្ចាស់អាចជីវកម្មចង់ផ្លាស់ប្ដូរ ។

៣) ពិនិត្យមើលយុទ្ធសាស្ត្រប្រមូលដើមទុន៖ បើតាមការលើកឡើងរបស់មហាសេដ្ឋីរូបនេះ បើបើកជំនួញហើយមានដើមទុនគ្រប់គ្រាន់ ពិតជារឿងមួយល្អបំផុត តែលុះត្រាតែអ្នកចេះគ្រប់គ្រងវាឲ្យបានត្រឹមត្រូវ និង មានភាពហ្មត់ចត់។ លោកថា ការប្រមូលដើមទុនពីអ្នកផ្សេង មិត្តភក្ដិ ឬ អ្នកវិនិយោគណាមួយនោះ អ្នកមិនត្រូវចេះតែប្រមូលឲ្យតែបានសម្រាប់រកស៊ីនោះទេ។ អ្នកត្រូវមើលដៃគូណាដែលល្អដែលអាចទុកចិត្តបាន ហើយជាពិសេសនោះគឺមានផែនការហិរញ្ញវត្ថុច្បាស់លាស់តែម្តង។

៤)ត្រូវខ្លាំងជាងគូប្រជែងរបស់អ្នក៖«អ្នកត្រូវធ្វើឲ្យសេវាកម្មរបស់អ្នកល្អលើសពីគូប្រជែងរបស់អ្នក»។ នេះជាការលើកឡើងរបស់លោក Mark Cuban។ លោកបានបន្តថា អ្នកត្រូវចេះច្នៃប្រឌិតមុខរបររបស់អ្នក និង អភិវឌ្ឍវាឲ្យកាន់តែល្អជាលំដាប់ កុំធ្វើដដែល រួមទាំងបង្កើតនូវចំណុចខុសប្លែកមួយគួរឲ្យចាប់អារម្មណ៍ពីគូប្រជែងរបស់អ្នក។

៥) នៅឲ្យឆ្ងាយពីមុខរបរណាដែលកំពុងមានគេរកស៊ីច្រើននៅលើទីផ្សារ៖ នៅទីនេះលោក Cuban បានសង្កត់ធ្ងន់ថា អ្នកបើកមុខរបរថ្មីៗ មិនគួរប្រថុយបើកមុខរបរប្រជែងជាមួយគេនៅក្នុងវិស័យណាដែលគេរកស៊ី និង មានភាពរឹងមាំរួចហើយនៅលើទីផ្សារនោះទេ។ ផ្ទុយទៅវិញ អ្នកគួរសម្លឹងមើលមុខរបរណាមួយដែលនៅចន្លោះប្រហោងមិនទាន់មានវត្តមាននៅលើទីផ្សារ តែអាចធ្វើឲ្យអ្នកមានសក្ដានុពលទៅថ្ងៃមុខបាន៕

អត្ថបទដោយ ស៊ុន ទិ
ប្រភព៖ bizkhmer.com

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.